Woher die Sitte des Anstoßens mit den Gläsern
beim Trinken?

En jerer Mensch hott jo sei finnef Sinn,
Datt lehre in der Schvol jo schunn die Kinn,
Unn aag deh Sinn ehr Name nennt die Lehr:
Gefiehl, Geschmack, Geruch, Gesiegt, Geheer.
Nau hott emol dat Junkvulk aus der Stadt,
Datt aag sei finnef Sinne bei sich hatt,
Beim Wein geseß unn hoͤtt druff los gezecht.
Do saht's Gefüehl: „Schwernoth, der Wein iß echt,
Käh Gall, käh Schabbdahl drinn und nitt gedääft,
Wie wuhl duht's ähm imm Leib, wo der hinlääft!“
Unn der Geruch saht: „Watt en fein Bukett,
Wie'n Strauß vunn Trauwebliehe unn Rosett.“
„Wie flacker iß er“, saht's Gesiegt, „wie hell,
Grad wie en fein geschliff Kristallpodell.“
„Oh Wein“, rieft der Geschmack, „wie gut dau bist,
Aß härre Engel ähm in's Maul — gespritzt.“
Uff ähmol heert m'r an dem Zecherdisch
Dem Sinn „Geheer“ sei Stimm; datt hott gekrisch,
Unn saht: „Watt hott deer vier vor en Genuß,
Dehr Brierer! awer eich honn nor Verdruß
Bei Au'rer kreizfidele Zecherei,
Weil eich elähn leer aus muß gehn derbei.
Lodruff saht Aehner vunn dem Zecherkoor:
„Baßt uff emohl! eich schlahn Auch Ebbes vor,
Datt bei dehm Zeche àaag uhs Sinn Geheer,
Wie sei vier Brierer Frääd hott unn Blesehr
Nau nummt emol die Glieser inn die Hänn,
Stoßt an dermit, dann werd's vor't Ohr watt genn.“
GBesaht, gedohn. „Marjuseb, watt en Klank,“
Saht datt Geheer, „wie Musik unn Gesank.
Prost! wuhl bekumm's Auch“, saht's unn hott gelacht.
Unn sinderdem werd's immer so gemacht.
Käh Zechermaul weerd an det Glas gedohn,
Sei Glockespiel muß datt Geheer eerscht hunn.

P. J. Rottmann.

—
—72