332 —

Malche:

Dorche:

Malche:

Dorche:

Malche:

Er hatts vun Herze gutt gemennt.
No ihm is der Herr Seegmüller kumm,
Hat's Orgelspiele iwernomm,
Un hat in seiner feine Art
Uns aa die Kirch so lieb gemacht.
Wie der Herr Schmeer! Ach dem sei Spiel!
Was war mr immer voll Mitgefiehl,
Weil er gebrechlich war un blind.
Awwer spiele hat er gekinnt!
Sei Vorspiele vor eme jede Choral,
So heert mr's lang nit iwwerall.
Wie mr die Glocke han hergewe misse,
Wie hat der die Orjel ze spiele wisse!
Ach wann ich an die Zeit noch denke!
Mr maan's nit, 's tut em zu viel kränke. —
Saa, wann aweil Kinddaafe sin,
Werfe se noch Zuckerklickere dehin?
Das glaaw ich nit, 's war frieher so,
Do ware als die Kinner froh,
Wann aa die Gazß nit sauwer war.
's war als e großi Kinnerschar
Beim Balche um die Zuckerbohne
Un manchmol wollt sich's garnit lohne.
Die Moode, nää, die war nit scheen.
Die alde Mode, die vergehn,
Nur ään halt mit der Zeit ihr Schritt,
Rot emol well, das rotscht de jo nit:
Die Mode, daß dort Wirtsheiser stehn,
Grad wo die Leit aus der Kirch enaus gehn.
So e änfach Dier in der Kronestroß
Die laßt die Leit als nimmeh los,
Do gehn se Sunndahs Morjens hin
Un Omends han se Sitzung drin
Un trinke fein ihr Schöppche Wein.
Ich han aach schun geheert devun:
Herre vun der Repräsentation,