330 —

Die Birjerschleit sin gäre kumm
Un han kenn Anstoß dran genomm.
Do kam de Vadder im schwarze Rock
Met'm steife Hutt un ohne Stock,
Sei groß Gesangbuch in dr Hand.,
Das Nassau-Saarbrückche war's genannt.
Ganz groß gedruckt un ohne Node.
Die alde Biecher ware scheen
Un manches war e „Preis“ gewään,
Griene hat mr gehatt un rote!
Wann die Kinner aus der Schul kumm sin
Un ware brav un fleißig drin,
Hat manches so e Gesangbuch krieht,
Wie mr se als noch in de Heiser sieht,
„Fors Lerne“ oder die „gudde Sitte“.
Mei Großmudder hat mr ihr's gewies,
Die weist dir's aa, wammer se drum bitte,
So wie e Heiligtum halt die's.
Ich kumme emolse Nomiddag.
Un wääschde, was noch Mode war!
Das kam noch aus der Firschdezeit.
Aus jeder Familie, vun alle Leit
Hat Aener Sunndahs in die Kirch misse gehn. —
Ich menn die Mode, die war scheen!
Malche: — So e bische Zwang, der dät nix schade —
Se ware jo als mied geschafft.
Un mancher hätt gar gäre geschlooft.
Hat strack in der enge Bank geseß
Un alles um sich här vergeß.
Er hat gemennt, 's hätts nimmand gesiehn.
So ging die Predigt dann dehin.
Er hat nix geheert, 's war sei eijener Schade.
Jo, in die Kirch kame allerhand Leit,
Un so wie domols, so mache se's heit.
Die Fraa, die kam im Sunndahsstaat,

Dorche:

Dorche: