329 —

Malche: Ich han ne selwer noch gekennt,
Wieviel is der erum gerennt
Mit seiner schwarze Schnabbekapp,
Die nahm er immer heeflich ab,
Wann er so kam zum Kollektiere.
Jo, for de Leit es Herz zu riehre;
Un in der Kirch, do reicht er här
De Klingelbeidel, der war schwer,
Dann domols ware in der Gemään
Die Sammelbichse noch nit gewään.
Die han ich gäre erum gereicht,
Ball ware se schwär, ball ware se leicht,
Ob viel Leit in die Kirch gang sin,
Das hat mr an denne Bichse gesiehn.
Un ob se sich vum Geld kunnde trenne,
Das war die Hauptfsach, sollt ich menne;
Ich stelle mr die Kirch als vor,
Die is aweil doch annerscht wor,
Als wie se innewendig war;
Nei is die Deck for de Aldar.
Die Kanzel hat e neii Deck,
Der alde Debbich kam e weck.
Der braune mit dä Muschdere drin,
E neier Debbich kam dehin.
Das wääs ich aa so gudd wie du,
Die Kirch war jo e halb Johr zu,
s war vor em Krieg, es mußt jo sin!
Was alde Ewe ware drin!
Die han die Luft mit'm Gas verpescht,
Un dann es war es allerbescht,
Die enge Bänk han eraus gemißt,
Dann das hat mrü jo längscht gewißt:
Se han nirjends so uffenanner gestann
Als wie in der Kirch vun Sangehann.
Jo, Jo, nadierlich wääs ich's noch,
Scheen ware se nit, un doch, un doch